Jonas Gahr Støre er den best eigna og mest kvalifiserte statsministerkandidaten Noreg nokonsinne har hatt.

Dette er mi personlege meining. Eg vil i dette blogginnlegget prøve å få fram kvifor eg meinar at Jonas Gahr Støre er den best eigna og mest kvalifiserte statsministerkandidaten Noreg nokonsinne har hatt. Eg vil starte med å sjå på CVen hans og hans bakgrunn og erfaringar. Eg vil deretter sjå meir på kva eigenskapar han har som eg meinar gjer at han er den best eigna og mest kvalifiserte statsministerkandidaten Noreg nokonsinne har hatt. Til sist vil eg sjå han i samanheng med Erna Solberg, og argumentere for kvifor han er eit opplagt val framfor Erna.

Jonas Gahr Støre har topp utdanning, han er utdanna statsvitar frå Institut d`Etudes Politiques de Paris (Sciences Po) i Paris. Dette er eit svært bra universitet for samfunnsvitenskaplege fag. I tillegg er han fenrik frå Sjøforsvaret. Jonas Gahr Støre var også elevrådsleiar ved Berg vidaregåande skule.

Støre har brei arbeidserfaring. Han har jobba på Statsministarens kontor i mange år under statsministrane Gro Harlem Brundtland, Jan P. Syse, Torbjørn Jagland, og Kjell Magne Bondevik, jobba for WHO i Geneve då Gro Harlem Brundtland var generaldirektør, vore stabssjef på Statsministarens kontor under Jens Stoltenberg si første regjering, vore generalsekretær i Noregs Raude Kross, vore utanriksminister, vore helseminister, og er no stortingsrepresentant og leiar i Arbeidarpartiet.

Han har internasjonal erfaring, då han har budd i Paris og Geneve. I tillegg har han den internasjonale erfaringa han fekk som utanriksminister og i jobbane på Statsministarens kontor, i WHO og i Noregs Raude Kross. 

Ingen annan norsk politikar verken før eller sidan har ein CV som kan samanliknast med Støre sin CV. Difor er eg så lei av å høyre negative nyhende om Jonas Gahr Støre. Eg følar at det er urettferdig. Slik eg har forstått det så er dei største mediane (f.eks Aftenposten og VG) i Noreg på borgarleg side. Dette kan bidra til å forklare kvifor mediane er så kritiske til Jonas Gahr Støre. I så tilfelle synes eg det er trist at norske mediar ikkje er meir balansert politisk, hvis det er det faktum at det er fordi dei største mediane er på borgarleg side som er grunnen til at dei kritiserar Støre så sterkt. Mediane har ein enorm definisjonsmakt, så eg ville oppmuntre mediane til å teikne eit meir balansert og positivt bilete av Jonas Gahr Støre.

Eg kjenner ikkje så godt til norske statsministrar frå før andre verdskrig. Men eg har grei kjennskap til norske statsministrar etter andre verdskrig. Einar Gerhardsen er den som har det beste ettermæle av Noregs statsministrar og han var statsminister etter andre verdskrig. På tross av at eg ikkje kjennar så godt til norske statsministrar før andre verdskrig, så meinar eg at ingen av norske statsministrar verken før eller etter andre verdskrig kan måle seg med statsministarkandidaten Jonas Gahr Støre. Eg forstår ikkje at folk ikkje ser det. Jonas Gahr Støre er min draumekandidat som statsministar.

Støre er intelligent, seriøs, reflektert, flink til å snakke for seg, og hyggjeleg. Han er ingen populist, altså han er ikkje den som seier ting for å tekkes veljarane. Eg synes han har ein bra personlegheit. Han har ein bra karakter. Eg synes Støre er hakket vassare enn dei andre partileiarane. Han er meir reflektert, han har meir djupnad i svara sine, og han er meir analytisk enn sine partileiarkollegaer. Etter mi meining er Støre veldig undervurdert i den norske befolkninga.

Erna Solberg har gjort ein grei jobb som statsministar til no. Men kva har Erna å stille opp med mot Jonas Gahr Støre? Svært lite synes eg for å vere ærleg. Hadde det vore eit jobbintervju så hadde Støre vunne overlegent over Erna. Med den CVen og bakgrunnen som Jonas har, så har ikkje Erna noko særleg å stille opp med.

Erna er riktignok god på å styre, men ho har lite visjonar. Støre på si side har vist at han har visjonar, særleg ifht klima. Eg saknar visjonar i leiarskapet til Erna Solberg. Klima er ikkje særleg høgt prioritert hos ho, og eg følar at ho i liten grad tek grep for å ta Noreg inn i og gjennom det grøne skiftet. Støre opna si tid som partileiar i Arbeidarpartiet med å varsle ein ny klimapolitikk. Det har kanskje ikkje gått så bra som han hadde tenkt, særleg fordi han har stått i ein skvis mellom ulike fløyar i partiet (industritilhengjarar mot klimatilhengjarar). Men eg trur at han kan få til meir på klimaområdet hvis han blir statsministar.

Ja, det er sant at Jonas Gahr Støre også har sine svakheitar. Han er litt vinglete, og slit med å samle Arbeidarpartiet. Han har kanskje ikkje takla Trond Giske-saka og MeToo på den beste måten. Men det er ingen enkel jobb han har som leiar av Arbeidarpartiet, og eg trur Støre vil lukkast betre som statsministar enn partileiar.

Eg trur Noreg som nasjon vil gjere ei tabbe av dimensjonar hvis vi lar Jonas Gahr Støre avslutte si politiske karriere utan å ha vore statsministar for ei god stund. Her har vi ein kandidat som har alt vi kan ønske oss, og så behandlar mediane han så dårleg. Det er ei stor skam.

Eg håpar at Jonas Gahr Støre klarar å finne ein indre styrke som kan få han til å ta dei naudsynte grepa som skal til for at han skal bli valt som statsministar ved stortingsvalet hausten 2021 og danne ei koalisjonsregjering på venstresida. Eg ønskar Jonas Gahr Støre masse lukke til.